Modi leh Trump-te'n thla lehah inbiakna nei dawn

Prime Minister Narendra Modi leh US President Donald Trump-te chuan thlaleh khian inbiakna an nei dawn a, a hun leh hmun tur tak erawh tih chian a la ni lo. Hetih lai hian Manila-a East Asia Summit (EAS) neih a nih hma ngeiin an inhmuh tur thu official chuan a tarlang.

Mi tamtak chuan Modi leh Trump-te hian Indo-Pacific region chungchang an sawidun dawn niin an ngai a, South China Sea-a China thiltihin nghawng a neih chungchang pawh an sawi rin a ni. Ram pahnihin inkarah inkungkaihna ṭha zawk a awm theihna tur pawh an sawi ngei rin a ni bawk.

Tun hnaiah ram pahnihte hian inbiakna an nei nasa hle a, thla hmasa khan US Defence Secretary Jim Mattis chuan India a rawn tlawh a, kar liamta khan US Secretary of State Rex Tillerson chuan India a rawn tlawh leh bawk a ni. Donalh Trump hian November thla chhunga India a rawn tlawh a nih chuan, kumin chhunga a vawi hnih rawn kalna tur a ni dawn bawk.

US chuan India chu sipai leh ralthuam tihchakna kawngah a theitawpa puih a inhuam thu a lo sawi tawh bawk a, India tuipuiah venhimna ṭha zawk a awm theih nan puih a inhuam thu a lo sawi tawh bawk.