Ralthuam hluite ralthuam changkang zawkin thlak dawn

Defence Minister Nirmala Sitharaman-i chuan India-in ralthuam hlui a kawm mekte chu ralthuam changkang zawk leh ṭha zawka a thlak tur thu a sawi.

India Sipai thuneitute chuan ral­thuam lamah hmasawnna an neih tur thu an sawi a, heng zingah hian an ralthuam hlui tawhte chu ralthuam thar leh changkang zawka an thlak tur thu an taralng a ni. Ralthuam, a aia changkang zawka an thlakna atan hian light machine guns (LMG), battle carbines leh assault rifles cheng vaibelchhe 40,000 man bawr vel an lei tawh thu tarlan a ni. Rifle nuai 7, LMS 44,000 leh carbine 44,600 an lei tawh thu army offcial chuan an tarlang tel bawk a ni.

India hian tun hnaiah Pakistan leh China vangin ramri chuncghangah buaina a tawk zeuh zeuh a, hei vang hian sipai tha tihchak lehzual hi a ṭulin a hria a ni. Ram himna ṭha zawk ngaihtuah vanga hetianga ralthuam hi tihchangtlun a nih thu official lam chuan an sawi ve bawk.

Tarlan bakah hian ralthuam dangah pawh hmasawnna tamtak a awm thu an tarlang bawk a, tunhnaiah ringawt pawh India hian ralthuam thar tam tak invenhim nan a lei tawh a ni.