Kashmir Valley-ah magnitude 5.7-a nain lirnghing

Kashmir Valley-ah Inrinni zan khan lir a nghing a, thi leh hliam erawh an awm lo niin report chuan a tarlang. He lirnghing hian thil tihchhiat liantham a neih hriat a ni lo a, lirnghing nat zawng hi a tehna Ritcher scale-ah magnitude 5.7 a tling a ni.

Official lam chuan lirnghing rawn inṭanna (epicentre) hi Afghanistan-a Hindukush region niin an sawi a, lei hnuai km 100-a thuk aṭanag rawn insiam a nih thu an tarlang. Kashmir Valley hi lirnghing hlauhawmna hmuna awm a nih avangin mipui a ti phawklek hle a ni.