Jet Airways-ah haijack vauna lehkha chhar

Delhi-a ṭum tur Jet Airways thlawhtheihna chhungah vauna lehkha chhar a nih avangin Ahmedabad airport-ah emergency-a tumtir a ni.

Jet Airways thlawh-theihna Boeing 737-900 hi Delhi-ah zing dar 5-a ṭum tur a ni a, mahse zing 3.45-ah Ahmedabad

Airport-ah hian a ṭum ta a ni. Jet Airways thupuangtu chuan passenger 122 leh thawktu 7-te chu him taka an ṭum thu leh an vai hian screening an paltlang thu a sawi.

Boeing 737-900-a vauna lehkha an chharah hian Delhi a ṭum lo a, Pakistan-a ṭum tura tihna leh, thlawhtheihna chhungah hijacker 12 an chuan thu leh cargo dahnaah bomb a awm thu a inziak a ni.

Police leh security agency dangte'n he thilthleng hi an chhui zui mek a, passengers-te pawh New Delhi-ah a rang thei ang bera hruai an nih thu tarlan a ni.