AP-ah Indian Army helicopter a tla

Indian Army helicopter, Advanced Light Helicopter (ALH) chu nimin khan Arunachal Pradesh-a Upper Siang district-ah chesualin a tla.

Helicopter tlakna hi Chingging khaw bul hnai a ni a, mahse a tlakna lai hi kawngpuiin a pawh lo a, rescue team tirh nghal an nih thu Upper Siang police hotu, Jummar Basar chuan a sawi.

Chetsualna hi nimin chawhma dar 19.43-a thleng a ni a, helicopter hi Likabali aṭanga thlawk chhuak a ni a, sipai ṭhenkhat an chuang.

Tun ṭum hi October thla chhunga Arunachal Pradesh-a Indian army helicopter a tlak ṭum hnihna a ni. Tun thla tir lam khan Tawang bulah Cheetah helicopter a tla a, pilot thiin a mi phurhten hliam an tuar a ni.