Bharat Jodo Yatra-in Telangana thleng

Congress party Rahul Gandhi hoa 'Bharat Jodo Yatra' neih mek chu nimin kha a ni 46-na niin, nimin zing khan Karnataka aṭangin Telangana an lut.

Nimin khan Telangana-a Gudebullur-ah lutin Diwali hmangin an chawl ang. Telangana-ah hian ni 16 chhung kalin km 376 vel an kal dawn a, Makthal, Narayanpet, Kodangal, Pargi, Vikarabad, Sadhsivapet, Shankarampet leh Madur-te kaltlangin, Nanded district aṭangin Maharashtra an lut ang.

Yatra hi October 24-26 chhung Diwali chawlh an nei dawn a, hemi chhung chu Rahul Gandhi hi Delhi-ah kalin, Nilainia Congress party president thar Mallikarjun Kharge lakluhna inkhawmah a tel dawn a ni. October 27-ah yatra hi Mahbubnagar district aṭangin an chhunzawm leh nghal dawn a ni. Bharat Jodo Yatra hi September 7 khan Kanyakumari aṭangin neih ṭan a ni a, Jammu and Kashmir thleng an kal dawn a ni. Ruahmanna an siam lawkah chuan ni 150 chhung ke hian an kal dawn a, state 12 kaltlangin km 3,570-a thui an kal dawn a ni.