DefExpo-ah MoU Rs vbc nuai 1.5 hu ziak

Gujarat-a 12th defence exhibition, DefExpo 2022 neih zawh taka Memorandum of Understandings (MoU) 451 ziah a ni a, inremna an ziahte hi cheng vaibelchhe nuai 1.5 hu a tling.

October 18 aṭang khan Gandhingar, Gujarat-ah ni nga awh DefExpo 2022 hi neih a ni a, he hunah hian exhibitor 1,340 an tel a, ram eng emaw zat aṭangin palai an tel bawk.

Defence minister Rajnath Singh chuan India-in defence sector thuam chak a tumna chu chak ber nih tumna lam ni loin, ram venhimna tur leh , beih tum an awm pawhin lo chhan let theihna ṭha neih an tumna zawk a ni tih a sawi. "Indian defence sector-in intodelh a tumna kawnga a bul ṭanna a ni. He Expo hian India chu khawvel huapin defence lam thil siamchhuahna hmunpui a ni dawn tih a tilang a ni," a ti.

Exhibition chhunga inremna an ziah zingah hian Indian Air Force leh Hindustan Aeronautics Limited (HAL) in HTT-40 trainer aircraft 70 tana contract, Rs vbc 6,800 man an ziah pawh a tel a ni.