RFG leh RGCT licence tihtawp chungchangah Congress party-in an puhna chhan let a tum

Congress party chuan BJP sorkarin Rajiv Gandhi Foundation (RGF) leh Rajiv Gandhi Charitable Trust (RGCT)-te dan bawhchhiaa puhna Foreign Contribution Regulation Act (FCRA) licence a tihtawp sak chungchang chu dan ang taka chhan let an tum tih a sawi. Sorkar laipui chu ram chhunga harsatna awm mek laka mipui rilru hruaikawi tumah a puh bawk.

Congress general secretary Jairam Ramesh chuan ram chhunga thil man sang zel avang te, hnathawh nei lo pung chak leh pawisa hlutna tlahniam zel avangin ram economy dinhmun a chhe mek a, hetihlai hian sorkar laipui chuan Congress party tihhmingchhiat leh, mipuiten rilru hruai kawi penna atan hetiang hi a ti a ni, a ti. RGF leh RGCT te dan bawhchhia puh an nih chungchang chu an chhang let ngei dawn tih a sawi.