Inter-State Council din thar leh

State inkar buaina chungchang buaipuitu tur leh chhui chiangtu tur, Inter-State Council chu Prime Miniter Narendra Modi-a chairman-na hnuaiah din thar leh a ni a, member-ah union minister paruk leh state hrang hrang chief minister-te dah an ni.

Sorkarin hriattirna a tihchhuahah, Inter-State Council member atan hian union minister paruk - Rajnath Singh (Home), Sushma Swaraj (External Affairs), Arun Jaitley (Finance), Nitin Gadkari (Road Transport), Thaawar Chand Gehlot (Social Justice and Empowerment) leh Nirmala Sitharaman (Defence)-te ruat an ni a, state leh union territory chief minister zawng zawngte dah tel an ni bawk.

Union minister pariatte chu council-a permanent invitee atan ruat an ni bawk a, chungte chu Suresh Prabhu (Commerce), Ramvilas Paswan (Food), Harsimrat Kaur Badal (Food Processing Industries), Jual Oram (Tribal Affairs), Prakash Javadekar (HRD), Dharmendra Pradhan (Petroleum) leh Piyush Goyal (Railway) te an ni.

Constitution Article 263 hnuaiah Inter-State Council hi din theih a ni a, he council hi state leh state inkara buaina chungchangte enfiah a, thurawn te pe tur leh, an buaina chinfel dan ngaihtuahtu tur a ni ang.

Sorkar laipui chuan Home Minister Rajnath Singh-a kaihhruaina hnuaiah Inter-State Council standing committee pawh a din thar leh bawk a, union minister pali leh chief minister pasarih chu member atan ruat an ni. Anni hian council rawtna leh thutlukna siamte enfiahin an bawhzui dawn a ni.