Karnataka-a cheng chuan Kannada an zir a ngai: CM Siddaramaiah

Karnataka Chief Minister Siddara-maiah chuan Karnataka state-a chengte chuan Kannada ṭawng an zir ngei a ngai tih a sawi.

CM Siddaramaiah chuan he thu hi nimina Bengaluru-a 62nd Karnataka Rajyotsava a hmanpuinaah a sawi a, state chhunga school zawng zawngah Kannada chu zir vek turin a ti a ni.

Congress hruaitu chuan hnambil ṭawng duh loh bik a nei lo tih a sawi a, hemi rual hian Karnataka-a chengte chuan Kannada ṭawng hi an thiam ngei tur a ni a, a zir duh lote chuan an ṭawng zahlohna lantirna angah an ngai dawn niin a sawi. Hemi hma hian Kannada ṭawng sawiseltute chu an ngaihzam mai dawn lo tih a lo sawi tawh bawk a ni.

Siddaramaiah hian kumin kumtir lam khan Hindi chu mi zawng zawng zirtir luih theih a nih loh thu leh, national language a nih loh thu a lo sawi tawh bawk a ni.