Vyapam scam: Mi 490 lakah thubuai ziaklut

Central Bureau of Investigation (CBI) chuan Madhya Pradesh Professional Examination Board (Vyapam) buaina kaihhnawihah mi 490 lakah thubuai a ziaklut.

CBI hian kum 2013-a Vyapam-in pre-medical test a buatsaiha dik lo taka thiltih chungchang a chhui a ni. He exam buatsaihah hian candidate ṭhenkhat chuan anmahni pui turin mi an chhawr a, heng mite hi exam-naah ṭhuin anmahnih chhawrtute chuan an chhannate an lo entawn ṭhin a ni. Hetianga an mi chhawr, solver candidate an tihte hi medical college zirlai leh state hrang hranga coaching lo kal tawhte an ni hlawm a ni.

Thubuai a ziahluhah, CBI chuan hetianga dik lo taka thiltihnaa inhnam-hnawih Vyapam official pathum hming bakah, middleman 17, solver leh anmahni chhawrtu candidate 297 bakah, candidate-te guardian 170 hming an ziak lang a ni.