Task force ten Itolizumab drug Hman rem ti lo

National Task Force on Covid-19 chuan Covid-19 hri kaite enkawlna atan damdawi hman zinga mi, Itolizumab damdawi chu a ṭhat loh thu a tarlang a, hman chhunzawm loh an rel a ni. 

India rama damdawi lam thuneitu sang Drugs Controller General of India (DCGI) chuan tunhnai khan Covid-19 kaite enkawl na Itolizumab drug hman a lo phalsak tawh a, mahse hei hi emergency atan chauha hman theih a ni thung.

Itolizumab damdawi hi biophar­maceutical company, Biocon siam a ni a, vun lam ṭha lo enkawl nana hman ṭhin a ni. Hei vang hian DCGI chuan emergency atana hman tur chauhin Covid-19 kaite enkawl nan hian a phal a ni. Mahse hei hi  ram chhunga task force hrang hrangte chuan kar liam ta Zirtawpni khan an ngaihtuah a, hman zui zel chu ṭha an tih loh thu an rel a ni.