PM leh Prince Charles inkawm

Britain lal fapa, Prince Charles leh a nupui Duchess of Cornwall te chu ni hnih cham turin Nilaini khan an rawn zin. Nilaini zan khan Prince Charles leh Prime Minister Narendra Modi te chu New Delhi-ah an inkawm nghal a, ram pahnihte inlaichinna bakah, nakkum April thlaa UK-a Commonwealth Heads of Government Meeting (CHOGM) neih tur chungchangte an sawidun a ni. Tun ṭum hi Prince Charles-an India a rawn tlawh ṭum kua-na a ni. Prince Charles-te nupa hian ni 10 thangin Asia ram pali an tlawhkual a, Singapore, Malaysia leh Brunei-te an lo tlawh tawh bawk a ni.