Kolkata-Khulna train service vai liam

Prime Minister Narendra Modi, Bangladesh Prime Minister Sheikh Hasina leh West Bengal Chief Minister Mamata Banerjee-i te chuan nimin khan Kolkata leh Bangladesh-a Khulna khaw inkara khualzin phur rel service thar tur an vailiam.

Hruaitu pathumte hian video conference kaltlangin rel service thar hi an vailiam a ni.

Fully air-conditioned rel service hi Ningani apiang Kolkata leh Khulna inkarah hian a tlan ṭhin dawn a ni.

Prime Minister Modi chuan ram pahnihte inṭhianṭhatna chu a nghet deuh deuh tih a sawi a, ram pahnih mipuite chu lawmpuina a hlan nghal bawk. Nimin vek khan Bangladesh-a Meghna leh Tias luia lei dawh pawh an hawng nghal bawk a ni.

Bangladesh PM Hasina-i pawhin rel service leh lei pahnih hawn ani chu ram pahnihte tan thil ropui leh chhinchhiah tlak a nih thu a sawi a, ram pahnih inkara rel service tir a ni ta chu ramri-a chengte duhthusam tihpuitlinna a ni, a ti.