US-in NGO-te dollar nuai nga vel pe dawn

US chuan India rama non-governmental organisation-te chu sakhaw hminga tharum thawhna leh inthliarhranna awm ṭhin tihtawp a nih theih nana hma lak nan US dollar nuai nga vel a pe dawn. US State Department chuan sakhaw zalenna kalpuina tur hian Sri Lanka pawh hetiang zat hi pek a ni dawn tih a sawi. Department of State, Bureau of Democracy, Human Rights and Labor chuan thuchhuah siamin, dollar 493,827 hmanga India programme a siam hmang hian India ram chhunga sakhaw thil vanga inbeihna leh inthliarna awmte tihziaawm an tum tih an sawi. He fund dawng thei tur hian NGO te chu hma lak an tum dan ruahmanna leh rawtna an siamte tarlang a, dilna thehlut turin an ti bawk.