Rajasthan Governor-in Assembly session ko turin hriattir

Rajasthan governor Kalraj Mishra chuan nimin khan state sorkar hnenah assembly session ko turin a hriattir. 

Chief minister Ashok Gehlot laka deputy chief minister hlui, Sachin Pilot leh a ṭhuihhruai Congress MLA 18-te an hel hnua rorellai Congress party chhungah buaina a awm chho mek a ni. Chief minister chuan MLA ṭhen­khat hel mah se, sorkar siam turin thlawptu a la ngah tawk a, hemi fiah nan hian assembly session nei tura rawtna pawh Governor-ah a thehlut a, mahse Governor hian CM rawtna hi ṭum hnih lo hnawl sakin, sorkar chu insawifiah phawt turin a ti a ni. 

Assembly session ko tura rawtna a hnawlsak avangin Congress party lam chuan Governor hi na takin an bei zui a, ram danpui kalha cheah hial an puh. Hemi hnu nimin khan session ko turin a hriattir ta a ni. Governor hi insawifiahin, assembly session koh loh chu a tum a ni chuang lo a, mahse hripui leng karah hun tepter taka MLA te koh khawm vek chu a harsat vang zawk niin a sawi.