Ram Temple sakna turah time capsule phum tel dawn
Ram Janambhoomi Teerth Kshetra Trust member Kameshwar Chaupal chuan Ayodhtya-a Ram Temple sakna turah lei hnuai feet 2,000-a thukah time capsule an phum tel dawn tih a sawi. Chaupal chuan capsule an phum turah hian nakin zelah ram inchuh chungchangahte thubuai a awm zui tawh lohna turin Ram Janmabhoomi chanchin leh a thil awmdan dik takte ziah vek a ni ang, a ti. Time capsule hi copper plate chhungah dah tel a ni dawn bawk.
August 5 hian Ram Temple lungphum hi phum tum a ni a, prime minister Narendra Modi pawh a tel beisei a ni. A lungphuma phum tur hian ram chhung hmun hrang hrang aṭangin lei pawh lakkhawm a nih thu Chaupal chuan a sawi.