Kashmir-ah BSF patrol party bei

Jammu and Kashmir, Samba district-a International Border-ah nimin khan Pakistan Ranger-ten BSF patrol party an bei a, BSJ jawan pakhat a thi.

BSF senior officer chuan zing dar 9.30 velah Pakistan Ranger-te hian Samba sector-a BSF patrol lai chu an bei thut niin a sawi. Constable Tapan Mondal chu a hmunah hian a thi nghal a, BSF hian Pakistan sipaite hi an kaplet ve nghal tih a sawi bawk.

October 31 khan Pakistan sipaite chuan Poonch district-a Kar-mara belt-a Line of Control-ah inkahhai puan chu palzutin India sipaite an lo kap tawh a, October 26 khan Kerni sector-a Sher Shakti leh Mandhar area-ah silai an hmetpuak bawk a ni.

Nimin vek khan Kashmir chhim lam, Anantnag district-ah Central Reserve Police Force (CRPF) conovy chu helhoin an bei bawk a, sipai pahnihin hliam an tuar. Lashkar-e-Taiba (LeT) chuan he pawikhawihna hi an thlen niin an sawi.