SC-in Aadhaar Act chungchang ngaihtuah dawn

Supreme Court chuan vawiin hian Aadhaar Act chungchanga petition thehluhte a ngaihtuah dawn.

Sorkar laipuiin Aadhaar Act a kalpui chuan mimal dikna leh zalenna a palzut nia sawiin Supreme Court-ah hian petition eng emaw zat thehlut a ni. October 30 khan Chief Justice Dipak Misra chuan Aadhaar kaihhnawih thil ngaihtuah tur hian Constitution bench din a nih tur thu a lo sawi tawh a ni. Tun hnaiah judge pakua awmna constitution bench chuan ram danpui hnuaiah Right to Privacy chu Fundamental Right a nih tih an lo sawi tawh bawk a ni.

Sorkar laipui chuan service hrang hrang leh welfare scheme a kalpui meka hamṭhatna dawng turin Aadhaar card hi neih ngei ngei ngai niin a sawi a, mahse hei hi mi tam takin court-ah hian an khing let a ni. Petition thehlutte chuan Aadhaar hian privacy rights a palzut niin an sawi. Petition thehluh

ṭhenkhatah chuan Unique Identification Authority of India (UIDAI) number leh bank account leh mobile number thlunzawmte chu dankalh leh ram danpui kalh niin an sawi a ni. Sorkar chuan bank account leh cell phone number te chu Aadhaar nen a thlunzawm luih tir thei lo niin an sawi.

Central Board of School Education (CBSE) in examination hmachhawn turte tana Aadhaar card neih ngei tura a phut pawh an dodal bawk a ni.