Congress leh BJP-in tourism ngaihthah : Shashi Tharoor

Congress MP leh union minister hlui, Shahshi Tharoor chuan Congress kaihhruai UPA sorkar leh BJP kaihhruai NDA sorkar chuan sector pawimawh tak, tourism lam an ngaihthah niin a sawi.

Thiruvananthapuram bial MP, Shashi Tharoor chuan India-in khualzinte hipna tura pawimawh, infrastructure lam tihhmasawnna turin sum a dah duh lo niin niin literary festival Penguin Fever 2017 a hmanpuinaah a sawi. Congress MP chuan sorkarin manufacturing lama sum a invest zat ang chu tourism sector-ah invest se chuan, tuna hnathawktu tura a chhawr chu a let riat zetin a tam phah dawn a, mi tam takin hna an neih phah dawn a ni, a ti.

Tharoor chuan Dubai leh Singapore-te'n ramdang aṭanga khualzin tlawhtu an neih tam ṭhin thu sawiin, hetihlaia India sorkarin tourism sector lam a ngaihthah avanga khualzin tlawhtu an tlem bik chu thil pawi tak a nih thu a sawi.

Congress MP chuan tunhnaia World Bank ‘Doing Business 2018’ report tihchhuaha sumdawnna tihawlsamna hmun tarlana ram 190 zinga India-in 130 aṭanga 100-na dinhmuna a chho chu lawm tlak a ni em tih ngaihtuah a ngai tih a sawi. Tharoor chuan PM Modi a kaihhruai sorkar a din aṭanga kum hnih chhungin India chu 50-na dinhmunah a insawh chhoh tur thu a lo tiam tawh a, mahse BJP sorkar kum li-naah pawh 100-ah a la awm thei chauh a ni, a ti.