Modi leh Hasina-ten Indo-Bangla rel vailiam dawn

Prime Minister Narendra Modi leh Bangladesh Prime Minister Sheik Hasina-i te chuan ram pahnihte inlaichinna tihnghehna kawng khat atan kar leh khian Indo-Bangla rel chu special video conference hmangin an vailiam dawn.

Ram pahnih inkara rel tlantir tur hi Kolkata leh Bangladesh-a khawpui lian pathumna, Khulna inkarah tlan tir a ni dawn a, November 9 hian tlan ṭan tir tum a ni. Hemi hma hian India leh Bangladesh inkarah hian Kolkata-Dhaka Maitri Express tlan tir a lo ni tawh bawk a ni.

Modi, Hasina leh West Bengal Chief Minister Mamata Banerjee-i te chuan rel kawng hi an lo hawng tawh a, mahse rel service tur hun erawh hi chu tihtlai deuh a ni. India leh Bangladesh hiankawng hrang hranga thawhdun zel an tum a ni.