NIA-in kum 2024-ah state tinah branch hawn hman tum

National Investigation Agency (NIA) chuan kum 2024-ah state tinah branch hawn hman a tum.

Union home minister Amit Shah chuan Ningani-a state home minister-ten ni hnih awh tur, Chitan Shivir an neih a hawnnaah he thu hi sawiin, home ministry chuan Criminal Procedure Code (CrPC) leh Indian Penal Code (IPC) pawh a siamṭha mek a, draft-te hi Parliament-a pharh thuai a ni ang, a ti.

Amit Shah chuan NIA chu India ram chhungah case eng chi pawh chhui thei tura thuneihna pek a ni dawn tih a sawi bawk.

Kum 2008-a din, anti-terror agency NIA hian metropolitan city-ahte hmunpui pali neiin, branch 15 a nei mek. Branch a neihnate chu - Delhi, Hyderabad, Guwahati, Kochi, Lucknow, Mumbai, Kolkata, Raipur, Jammu, Chandigarh, Ranchi, Chennai, Imphal, Bengaluru leh Patna-te an ni. Thubuai 468 ziaklut tawhin, heng thubuaiah hian 93.25% chu thiam loh chantir an ni. State tina branch hawn a tum hi BJP sorkar lohna state-te chuan an dodal ngei a rinawm.