PM Modi-an World Food India 2017 a hawng

Prime Minister Narendra Modi chuan nimin khan New Delhi-a Vijgyan Bhawan-ah World Food India 2017 a hawng.

Narendra Modi chuan ei tur sawngbawl, food processing chu India ramah kum tam tak kalpui a ni tawh tih sawiin, India ei siam, pickle, papads, chutney leh murabbas te chu ram dang mipuite pawhin an duh hle a ni, a ti.

Modi chuan kumin 'World Bank Doing Business' ranking tihchhuah India chu 30-naah a kai chho tih a sawi a, greenfield investment-ah chuan kum 2016 khan pakhatna dinhmun a luah tawh niin a sawi bawk. Global Innovation Index, Global Logistics Index leh Global Competitiveness Index lamah India chuan chak takin hma a sawn zel tih a sawi.

World Food India 2017 hi Ministry of Food Processing buatsaih niin, ram 20 leh state 26 aṭangin participant 2,000 leh exhibitor 400 an awm a, CEO 50 chuang an tel bawk. He hunah mit la ber tur zinga ngaih chu celebrity chef Sanjeev Kapoor-a siam, kg 800-a rit khichdi a ni. Khichdi hi traditional Indian dish niin, vawiin hian a siam dawn a ni.