Aadhaar linking : Hun tiam chin hriattir turin hrilh

Supreme Court chuan bank leh mobile service provider-te chu customer-te hnena an account leh Adhaar number thlunzawm tura hun tiam, December 31 leh February 6 thleng tih chu SMS hmanga hriattir turin a ti.

Customer-te hnenah hian an bank account leh Adhaar thlunzawm vat tura hriattir an ni ṭhin a, an thlunzawm loh chuan an account chu khawih chet theih loha hrek sak an nih tur thute hrilh an ni. Mahse hun tiam chin erawh hriattir an ni lo. Hei vang hian Supreme Court chuan SMS hmangin dateline hi hriattir turin a ti a ni.