MP-ah Mahatma Gandhi lim tichhia

Madhya Pradesh-a Khandwa district-a Mahatma Gandhi lim siam chu mi tu tih hriatlohten an tichhia a, police-ten an chhui zui mek.

He pawikhawihna hi kar liam ta Zirtawpni zana thleng a ni. Rangoan khuaa Gandhi lim tihchhiat a nih tih an hriat veleh Jawar village panchayat secretary Devraj Singh chuan police station-ah complaint a thehlut nghal a ni. Jawar police station in-charge Shivram Jat chuan Indian Penal Code hnuaiah pawikhawihtu, tu tih hriat lohte lakah thubuai ziahluh nghal a nih thu a sawi.