Kum 2022-ah retheihna, eirukna lakah India fihlimtir tum

National Institution for Tranforming India (NITI Aayog) chuan kum 2022-ah India ram thar din a nih tur thu sawiin, retheihna, eirukna, firfiaka chetna leh chi inthliarkna laka fihlim ram thar a ding dawn niin a sawi.

NITI Aayog Vice Chairman Rajiv Kumar chuan thla hmasaa Conference of Governors-ah document pharhin, tuna India ram economy ṭhanna ang, 8% anga a ṭhan chhoh zel chuan kum 2047-ah India chu khawvel ram sum leh pai dinhmun ṭha pathum zingah a lang pha dawn niin alo sawi tawh a ni.

Document pharh, New India@2022 tihah hian kum 2022-ah thingtlang khua, mi 500 chin awmna khua zawng zawng (Special Area biakah chuan mi 250 chin) chu 2019-ah Pradhan Mantri Gram Sadak Yojana (PMGSY) hnuaiah kalpawhna kawngpui siam vek a ni dawn tih tarlan a ni. Hei bakah hian 2022-ah hian India chuan world-class higher education institution 20 a nei dawn niin a tarlang bawk.