Covid-19 vanga thi doctor chhungte zinga 73%-in zángnadawmna la dawng lo

Sorkar laipui chuan Covid-19 hri vanga thi, doctor 428 chhungte zángnadawmna a pe tawh a, hetih lai hian hripui vanga nunna chan doctor zinga 73% chhungte erawh chu zangnadawmna pek an ni lo thung.

Indian Medical Assocation (IMA) chuan Covid hri leng thawh khatna leh thawh hnihnaah khan hripui vangin doctor 1,500 chuangin nunna an chan niin a sawi a ni.

Right to Information (RTI) hmangin Kannur-a opthalmologist VK Babu chuan zawhna zawtin, an chhannaa a landanin March 30,2020 leh September 30,2022 chhung khan Pradhan Mantir Garib Kalyan Package (PMGKP) hnuaia doctor thi 428 chhungte hnenah zangadawmna hi Rs vbc 214 pek chhuah a ni.

Babu chuan, "Hripui vangin doctor 1,596 ten nunna an chan a, hetih lai hian sorkar chuan an zigna 428 tan chauh zangnadawmna pein, hei hi Covid martar zinga 26.8% chauh an la ni," a ti. Covid hri len laia damlote enkawl hna thawktu doctor-te chu hri kaichhawng thei, dinhmun hlauhawm takah an awm reng a, hei vang hian nunna chanta chhungte chu zangnadawmna hi pek ve an ni tur a ni tiin, sorkar chuan zangnadawmna a pek loh chhanah chhuanlam dang siam lo se a duh thu a sawi.