Congress Bharat Jodo Yatra-in Hyderabad thleng

Rahul Gandhi kaihhruaia Congress party-in Bharat Jodo Yatra an neih mek chu nimin kha a ni 55-na niin Telangana state khawpui, Hyderabad an thleng. Party hruaitu leh worker eng emaw zatin an zui a ni.

Rahul Gandhi hian nimin zing khan Matha Temple, Shamshabad aṭangin yatra hi chhunzawmin, chawhnua lamah Legacy Palace, Bahadurpura-ah a chawl. Tlai dar 4-ah Hussaini Alam Junction Charminar aṭangin a kal chhuak leh a, Bowenpall-a Gandhi Ideology Center-ah zan an riak ang.

Bharat Jodo Yatra hi Diwali leh Congress president thar Mallikarjun Kharge an lakluh dawn vangin October 23-25 chhung an chawl a, October 26 khan an kal chhunzawm leh a ni. November 7 thleng Telangana-ah hian kalin, November 4-ah an chawl ang. November 7 hian Maharashtra state luh hman an tum.

September 7-a Kanyakumari, Tamil Nadu aṭanga neih ṭan, Bodo Jodo Yatra-ah Gandhi hian Kerala, Andhra Pradesh leh Karnataka state-te a lo paltlang tawh a ni.