UN development fund atan dollar mtd 100 thawh dawn

8th November, 2017

India chuan ram rethei zawkte ṭanpui a,mipuite nunphung chawikanna tura hmalakna, India-UN Development Partnership Fund atan US dollar maktaduai 100 a thawh dawn.

UN Mission-a India Counsellor, Anjani Kumar chuan Thawhṭanni-a 2017 UN Pledging Conference for Development Activities neihnaah sum thawh tur zat hi a puang a ni. Hemi hma hian India chuan UN programme hrang hrang hnuaiah dollar maktaduai 10.582 a lo thawh tawh bawk a ni.

Thawhṭannia confe-rence session neihah hian ram hrang hrang 20 chuan UN development fund atan hian dollar maktaduai 398.98 thawh an tiam a ni.

Fund hi kumin June 8 khan hawn a ni a, UN Office of South-South Cooperation (UNOSSC) in enkawlin, ram hnufual, least developed countries (LDCs) leh Small Island Developing States (SIDS) te an thlurbing a ni. Fund hian project 15 chuang a kalpui mek a ni.