Maha Minister-in thupha chawi

Maharashtra water resources minister, BJP senior member Girish Mahajan chuan hmeichhe sawichhiatna lam hawia thu a sawi vangin thupha a chawi.

Minister hian zu hralh a kal theih nan zu hming atan hmeichhe hming hmang ṭhin se a ṭha dawn niin a sawi. Mahse a thusawi hian sawisel a hlawh zui tak em avangin thupha a chawi a, "Hmeichhiate rilru tihnat tuma sawi ka ni lo a, ka thusawi hi ka sut leh nghal a, thupha ka chawi takzet a ni. Hetihlai hian hmeichhia hming behchhana zu hming ṭhenkhat phuah chu ngaihtuah ṭhat leh a ngai niin ka hria", a ti.

Mahajan hian Pathianni khan Nandurbar district-a loneitute meeting a neihpuinaah, zu hralh chak a nih theih nan hmeichhe hming phuah ṭhin ni se a ṭha dawn niin a sawi a ni.