Mamata hnenah D.Litt hlan dawn

Calcutta University chuan West Bengal Chief Minister leh Trinamool Congress hruaitu Mamata Banerjee-i hnenah D.Litt (honoris causa) a hlan dawn. Vice Chancellor Sonali Chakravati Banerjee chuan CM hian industrial, literary leh social sector lamah a thawh hlawk avangin D.Litt hi hlan an tum tih sawiin nakum January 11-ah a hlanna inkhawm hi Kolkata-a Najrul Mancha-ah neih a ni dawn tih a sawi. Hetihlai hian university thiltih hi eptu party-te chuan an sawisel a, BJP national secretary Rahul Sinha chuan Calcutta University chu a dinhmun a intihhniam phah hle niin a sawi.