ED-in thu zawhfiah turin Jharkhand CM a ko

Enforcement Directorate (ED) chuan Jharkhand state-a mining scam kaihhnawihah chief miniter Hemant Soren chu thu zawhfiah turin a ko a, vawiinah Ranchi-a an regional office-a inlan turin an hrilh.

ED hian a hmain CM thawhpui Pankaj Mishsra leh midang pahnih chu he thubuai kaihhnawihah hian an lo man tawh a ni.

Kumin July thla khan ED hian mining case hi a chhui ṭan a, Mishra bank account-a Rs vbc 11.88 an hrensak bakah, a chenna in aṭangin Rs vbc 5.34 an man bawk.

ED hian Mishra chenna in aṭang hian CM Hemant Soren -a passbook leh a hming sign hnan cheque eng emaw zat an man niin an sawi bawk a ni.

Chargesheet an ziahluhah, ED hian Hemant Soren-a tana thawk, Pankaj Mishra hian CM assembly bial, Barhait chhungin dan kalha mining business kalpui chu a thunun tlat niin an tarlang.