J&K-a inbeihnaah firfiak 4 kaphlum

Security force-te chuan nimin khan Jammu and Kashmir-a hmun pahniha inbeihnaah firfiak pali an kaphlum a, an zinga pakhat chu Pakistan mi a ni.

Police-te chuan Anantnag district-a Semthan khuaa firfiak an awm tih thu an dawn avangin police, Army leh CRPF joint team chu beihpui thlak turin an kal tih an sawi. Firfiakte lo biruin, forces joint team chu an bihrukna hmun aṭang hian an lo kap hmasa a, security force lam hian chhang let ve nghalin an inkap zui a, firfiak pakhat an kaphlum a ni.

Nimin vek khan South Kashmir-a Pulwama district-a Khandipora khuaah security force leh firfiakte inkap bawkin, firfiak pathum kahhlum a nih thu Kashmir ADGP, Vijay Kumar chuan a sawi. An mi kahhlumte zinga pakhat chu Pakistan mi niin, midangte pawh Pakistan firfiak pawl, Lashkar-e-Taiba nena inzawmna nei nia sawi an ni bawk.