Morbi lei chim chungchanga CBI leh ED hma lak loh chhan zawt

West Bengal chief minister Mamata Banerjee chuan mi 140 chuang thihna thlenna, Gujarat-a Morbi lei chim chungchangah central agency, Central Bureau of Investigation (CBI) leh Enforcement Directorate (ED)-ten hma an lak loh chhan a zawt.

Gujarat hi prime minister Narendra Modi-a home state leh, BJP sorkar mekna a ni.

Trinamool Congress hotu Banerjee chuan, "Morbi-a chhiatna thlenga inhnamhnawih lakah CBI leh ED hian engvangin nge hma an lak loh? Central agency-te hian mi naran lakah chauh action a la nih chuan rintlakin an awm tur a ni," a ti. He chhiatna thleng chungchang chhui tur hian judicial comission din a, Supreme Court-in a chhui a phut thu a sawi bawk.