Ballistic Missile Defence Interceptor flight test nei

Defence Research and Development Organisation (DRDO) chuan Odisha tuipui kama APJ Abdul Kalam Island aṭangin long-range missile leh aircraft lo dang thei tur, Ballistic Missile Defence (BMD) interceptor chu Nilaini khan hlawhtling takin a enchhin.

Ministry of Defence thuchhuah chuan BMD interceptor AD-1 missile flight test thawh hnihnaah hian BMD weapon element hrang hrangte hman niin, enchhinnaah hian subsystem zawng zawng chuan an beisei angin an hna an thawk vek a, hlawhtling taka neih a ni, a ti. He system hi Ballistic Missile Defence programme hnuaia siam a ni.

Defence minister Rajnath Singh chuan DRDO leh AD-1 enchhinnaa tha thawhtu zawng zawngte lawmpuina a hlan. Interceptor dangdai tak, ram tlemte chauhin an neih theih a ni, a ti. DRDO hian AD (Air Defence)-II, hmun sang zawka thlawk missile-te lo dang leh kapthla thei tur pawh a siam mek nia sawi a

ni bawk.