Hyderabad-ah kutdawh khap

Hyderabad City Police Commis-sioner chuan thuchhuah siamin, Hyderabad khawpui chungah nimin zing aṭang khan thla hnih chhung atan kutdawh khap a nih thu a sawi.

Official notice a siamah, Hyderabad City Commissioner of Police M Mahendar Reddy chuan kutdawhte hian kawngpui motor tlan leh mihring tei velna kawngah harsatna an siam fo tih a sawi a, kutdawh tur hian naupang te chhawr an ni bawk ṭhin a, hetianga mipui leh motor vei vahna kawnga harsatna an siam hi mipui himna atan pawh thil hlauhawm tak a ni, a ti.

Kutdawh khapna thupek hi nimin zing dar 6 aṭang khan hman ṭangin, January 1 thlengin hman a ni ang. He khapna thupek palzutte chu Indian Penal Code Section 188 leh Hyderabad city police Act, 1348 Fasli, TS preventions of Begging Act, 1977 leh J.J. Act 2000 hnuaiah hrem theih an ni ang.