EAM Jaishankar-a'n Russia a tlawh dawn

External affairs minister S Jaishankar chu kar leh Thawhṭanni hian Russia-ah a zin dawn a, ni hnih a cham ang.

Russia-Ukraine indona thleng mek avangin ram hrang hrangte chuan Russia nena an inzawmna tichatin, India pawh an nawr fo a ni. Mahse India chuan Russia a thawhpuina hi a tidanglam lo a, insumdawnna kawngah ram pahnihte hian inzawmna nghet tak neiin, hemi tihchak lehzualna atan hian Jaishankar pawh hi Russia-ah hian a zin dawn a ni.

Jaishankar hian Russia foreign minister Sergei Lavrov a hmu dawn a, hei hi kum 2021 hnua ṭum li an inhmuhna tur a ni. Meeting-ah hian ram pahnihte inlaichinna chungchang bakah, regional leh international development lamte an sawidun dawn a ni, tiin MEA thupuangtu Arindam Bagchi chuan a sawi.

External affairs minister hian Russia deputy prime minister, trade and industry minister ni bawk Denis Manturov pawh a hmu dawn bawk a ni.