Industry-te tan guideline tichhuak

Ministry of Home Affairs (MHA) leh National Disaster Management Authority (NDMA) chuan nimin khan lockdown zawha Industry-te hman tur guideline a tichhuak a, he guideline an siam chhan pakhat chu May 7-a Visahka­patnam-a LG Polymers’ plant aṭanga gas put vang kha a ni.  

1) Industry hawn ṭan a nih aṭang kar khat chhung chu thil siam chhuah ṭeuh tum aiin an industry a him em, a ṭha tawk em tih enchhinna atan an hmang ang. 

2) Hri an kai loh nan, Industry-a hnathawkte hmanrua uluk taka tihthianghlim hmasak tur a ni a, industry chhunga ri bengchheng lutuk awm thei emaw rimchhe lutuk awm thei te chu enfiah tur a. Thil khu te, wire kang awm thei te leh thil dang a pangngai lo anga awm thei te chu uluk tak enfiah hmasak tur a ni a, hengte hi a rang thei ang bera siam ṭhat vat tur a ni.

3) Industry darkar 24 chhung hawng lo te tan, an khawlte chu nitina lockout leh tagout procedure hmanga ti thi ziah tura hriattir an ni. 

4) Industry-a bungraw hman tur zawng zawng chu a him em, a ṭha tawk em tih enfiah hmasak vek tur a ni.

5) Industry-a thil fel hlel a awm emaw harsatna eng emaw a awm chuan local district administration-ah hriattir tur a ni a, District Magistrate chuan hmalak dan tur a duang dawn a, khar a ngaih pawhin mipuite him zawk nan khar mai tur a ni ang.