Sikkim: India leh China sipaite inkarah buaina a chhuak
Indian Army chuan nimin khan Sikkim hmar lama India leh China inrinaah ram pahnih sipaite hi an intibuai tih leh hliam pawh eng emaw zat an awm tih an sawi.
Ram pahnihte inkarah hian Inrinni khan buaina hi a chhuak a, Naku La sector bulah niin hliam tuarte erawh an ngaihtuahawm lo. Naku La hi North Sikkim-a pass a ni a, Mean Sea Level aṭanga metre 5,000 laia sanga awm a ni.
Buaina chhuah hnu lawk hian Chinese People’s Liberation Army leh Indian Army-te chuan inbiakna neiin an inrem thei a, an intihbuai chhung a rei lo a, 'stand-off' anga puan chi a ni lo tih an sawi. Hetiang buaina hi chu ram pahnih sipaite inkarah chuan a chhuak fo bawk.
Kum thum liam taa India leh China sipaite chu Sikkim-ah hian rei tak an lo inep tawh a, ni 73 hnuah ram pahnih hi an inrem thei chauh a ni.
Indian Army chuan buaina chhuakah hian sipai 150 vel an inhnamhnawih tih an sawi a, India sipai pali leh China sipai pasarih chuan hliam an tuar tih an sawi bawk.