Vur tla nasa vangin J&K kawngpui khar

Jammu and Kashmir leh ramchhung hmun dang inkalpawhna pawimawh, Mughal road chu nimin khan vur a sur nasat avangin khar a ni.

Official-te chuan Mughal Road-a Poshana leh Peer Ki Gali inkara vur tla chu inches nga-te a tling nia sawiin, motor tlanna atan a him lo niin an sawi. Khawchin zirtute chuan J&K-ah hian November 10 thleng chu ruah leh vur a la sur chhunzawm dawn niin an tarlang bawk.

Thlasik laia vur sur tlak nasat avangin Munghal Road hi khar a lo ni fo ṭhin a ni.

Traffic department chuan Jammu-Srinagar National Highway erawh chu dan pangngai anga hawn a ni tih an sawi.