Malaysia aṭangin Zakir thawn haw turin dil

Islamic preacher, Islamic Research Foundation dintu Zakir Naik chu National Investigation Agency (NIA) in thubuai a siamsak hnuah Malaysia ramah a la awm chhunzawm zel a, Ministry of External Affairs chuan India rama thawn haw turin Malaysia sorkarah dilna a thlen. NIA chuan IRF dintu, Zakir Nair hi dan kalha che leh, sakhaw thila inhuatna chawk tho zawnga thiltiah puhin thubuai a siamsak a ni. 

A NGO din, IRF pawh hi sorkar chuan anti-terror law hnuaiah kum nga chhung atan dan pawnah a lo hnawlsak tawh bawk.MEA thupuangtu Raveesh Kumar chuan ramdang sorkar hnena an mi duh thawn haw tura ngenna hi dan ang taka kalpui mek a ni a, an tihfel dawn hnai niin a sawi.