Kum 2020 hnua a ṭum khatna atan Covid-19 vanga thi awm loh ni a thleng

India ramah Covid-19 hri leng a ziaawm chho zel a, Thawhṭanni khan ram pumah hri kai hmuh chhuah thar mi 625 awmin, kum 2020 April 9 hnua ni khatah hri kai an tlem ber ni a ni. Hemi ni vek hian Covid-19 hri vanga thi an awm lo bawk a, kum 2020 March thla hnua hripui vanga thi an awm loh ni awmchhun a ni.

Nimin zinga dar 8-ah union health minsitry data tihchhuaha a lan danin, ram pumah hri kai hmuh chhuah tawh hi mi 4,46,62,141 tling tawhin, hri kai mek hi 14,021 a la awm. Hripui vanga thi hi mi 5,30,509 an awm tawh bawk.

Hri kai mek hi Covid-19 vei hmuhchhuah tawh aṭanga 0.03% ah a tlahniam tawh a, hri kai enkawl dam, recovery rate hi 98.78% a ni. Nimin zing thleng khan Covid-19 vaccine hi dose vaibelchhe 219.74 pek chhuah a ni tawh.