Rahul Gandhi-an PM dinhmun a zah thu sawi

Congress vice president Rahul Gandhi chuan Prime Minister Narendra Modi-a dik lohna te chu hmu ṭhin mah se, a nihna chelh erawh chu englai mahin a zah lo ngai lo tih a sawi.

Assembly inthlan neihna tur, Gujarat-a Banaskantha-a vantlang inkhawma thu a sawiah, Congress hruaitu chuan Modi hi eptu lamah an awm lai khan, prime minister chungchang hi zah lo takin a sawi fo ṭhin niin a sawi. "Hei hi kan danglamna chu a ni. Modi chuan eng ang pawhin kan chungchang sawi mah se, keini chuan a ṭul chin bak kan sawi ngai lo", a ti.

Congress party chuan Modi-a dik lohna hrang hrangte hmuchhuakin BJP tan zahna thlen thei mah se, India ram prime minister a nihna erawh chu a zah reng dawn a ni tiin a sawi.