Rajasthan-ah bawng phurtu kaphlum

Rajasthan leh Haryana inrina bulah bawng humhalhtu intiten Muslim mi pakhat, bawng phurtu an kaphlum a, a ṭhuihruai mi pahnih kut an thlak zui bawk.

He thil hi November 10-a Rajasthan-a Alwar district-a Fahari khuaa thleng a ni. Muslim mi pakhat, Ummar Muhammad leh a ṭhuihruai mi pahnihte chuan Mewat aṭangin Haryana-a dah tur bawng an phur a, mahse kawng lakah mipuite'n an lo bei a ni.

Police-te chuan he thil thleng chungchang hi an sawichiang duh lo a, Ummar hi silaia kahna vanga thi a ni tih chauh an sawichhuak duh a ni. A ruang hi Shehr hospital-a ruang dahna hmunah dah a ni. A ṭhuihruai mi pahnihte hi an tlanchhe hman a, a hnuah damdawi-inah an hliam enkawl turin admit an ni.