CJI 50-na atan DY Chandrachud lalut

Chief justice of India thar atan nimin khan justice Dhananjaya Yashwant Chandrachud chu rinrawmna thu tiamtira lakluh a ni a, Chief Justice of India 50-na a ni.

President Droupadi Murmu chuan Rashtrapati Bhavan-ah Cheif Justice thar hi rinawmna thu tiamtirin a lalut a, English-in rinawmna thu a tiam.

Justice Chandrachuh hian Thawhlehnia chawl ta, CJI kalchhuak justice Uday Umesh lalit a thlak a, judiciary hotu lu ber dinhmun hi kum 2024, November 10 thleng a chelh ang.

Chief Justice thar lakluh inkhawmah hian vice president leh Rajya Sabha chaiperson Jagdeep Dhankhar, Lok Sabha speaker Om Birla, union minister-te - Rajnath Singh, Amit Shah leh Kiren Rijiju-ten an telpui a ni.

CJI kalchhuak UU Lalit chuan amah thlaktu atan Supreme Court judge senior ber, justice DY Chandrachud hi rawtin, October 17 khan CJI atana hian ruat a ni. Chandrachud-a pa hi CJI ni rei ber, YV Chandrachud niin February 22, 1978 aṭanga July 11, 1985 chhung khan he dinhmun hi a chelh.

Kum 1959, November 11-a piang, CJI thar DY Chandrachud hi kum 2016, May 13 khan Supreme Court judge-ah ruat a ni. Hemi hma hian Allahabad High Court chief justice, leh Bombay High Court judge te a lo ni tawh. Bombay High Court judge a nih hma hian Additional Solicitor General of India a ni.