BJP-in Gujarat inthlan neih tura candidate list tichhuak ; MLA ṭanglai mi 38 candidate list-ah telh an ni lo

BJP chuan Gujarat Legislative Assembly inthlan neih tura tana candidate list thawh khatna chu nimin khan a tichhuak a, MLA ṭanglai 38 te an tel ve lo.

MLA an paih zingah hian tun hnaia lei chim vanga chhiatna rapthlak tak thlenna, Morbi bialtu pawh a tel a, a aiah chhiatna lei chim ṭuma a hnuaia luia tlate chhanchhuak tura luia zuang lut, MLA hlui an dah thung.

Assembly seat 182 awmnaa inthlan neih tur atan, BJP hian a thawh khatna atan candidate 160 a tichhuak a ni. Candidate an siamna hi inthlan thawh khatna, December 1-a neih tur constituency 89 zinga 84 leh, December 5-a inthlan thawh hnihna neihna tur constituency 93 zinga 76 a ni.

Kum 27 chhung zet Gujarat-a sorkarna lo siam tawh, BJP hian candidate list-ah hian senior leader eng emaw zat a ban bawk a, an zingah hian chief minsiter hlui Vijay Rupani pawh a tel. Mahse senior leader tam zawk hi an kum a upat tawh avanga mahni duhthua chawlh thlang tawhte an ni.