Leiverh siamin bank rawk

Mumbai-a Bank of Baroda chu rukruten leiverh siamin an rawk a, bank-a locker aṭangin cheng nuai 40 an ruchhuak.

Rukrute leiverh siam hi feet 25 vela thui a ni a, he leiverh hmang hian kar kalta kartawp khan Navi Mumbai bul, Juninagar baial Bank of Baroda branch pakhat chu an rawk a ni. He thil thleng vang hian police-te chuan thubuai an ziaklut nghal a, rukrute zawn hna hi thawh mek a ni.

Police-te chuan bank rawk tum hian rukrute hian a hma thla 5 vel liamta aṭangin ruahmanna an lo siam tawh nia a lan thu an sawi. Bank rawk a nih thu hi Thawhṭanni zingah staff-te'n locker room-a vault eng emaw zat inhawng an hmuhin an hrechhuak chauh a ni.

Rukru nia rinte hian May thla khan bank bula dawr pakhat hi luahin, bank pawh tur hian lei an verh ta nia sawi a ni. Rukrute hian locker 225 zinga 30 an hawng a ni.