Sasikala-i in aṭangin Rs vbch 1,430 hu thil man

Income Tax official-te chuan AIADMK hotu, jail-a tang mek VK Sasikala-i leh a chhungte in an dap aṭangin a thil neih a tarlan loh, cheng vaibelchhe 1,430 hu an man tih an sawi.

IT official-te hian Sasikala-i leh a chhungte in hi ni nga chhung an dap a, an thil man zingah hian pawisa fai cheng vaibelchhe sarih, rangkachak leh lunghlu tlereuh cheng vaibelchhe nga hu a tel bawk.

Official-te chuan Sasikala-i chhungte hminga awm company eng emaw zat an hriatchhuah thu an sawi a, document an mante pawh chu zirchian tur a nih thu an sawi bawk. IT official-te hian ni nga chhungin Tamil Nadu, Andhra Pradesh, Puducherry leh Delhi-a hmun 187 an dap a ni. Heng an hmun dapte hi Sasikala-i leh a vahpa, AIADMK general secretary aṭanga ban tak TTV Dinakaran te nena inkaihhnawihna nei vek an ni a, hei bakah hian Tamil television channel Jaya TV pawh chhiah awlruk chungchangah dap a ni bawk.