Jail-ah Ram Rahim-a duhsak bik niin puh

Rohtak-a Sunariya jail-a tang mek, Dera Sacha Sauda hotu Gurmeet Ram Rahim chuan jail tang dangte aiin duhsakna a dawng bik niin he jail-a tang tawh, bail-a chhuak mek Rahul Jain chuan a sawi. Rahul Jain chuan Ram Rahim hi jail-a a chhungten an tlawhin darkar hnih zet inhmuhna hun an siamsak tih a sawi a, tang dangte erawh chu minute 20 chauh hun pek an ni, a ti. Hei bakah hian Ram Rahim hi a tanna pindanah a tawm reng a, hna pawh a thawk ngai lo niin a sawi. Hetih lai hian report ṭhenkhat chuan Ram Rahim hi thlai chinga inhlawhin, ni khatah Rs 20 a hlawh ṭhin niin an tarlang. Jain chuan tang dangte hian Ram Rahim hi an hmu ngai lo a, official-te sawi aṭangin a chanchin hi an hre thei chauh niin a sawilang bawk.