PM Modi-a'n semi-high speed Vande Bharat Express vailiam

12th November, 2022

Prime minister Narendra Modi chuan nimin khan Bengaluru-a Kranthiveera Sangolli Rayanna (KSR) Railway Station-ah Chennai-Mysuru Vande Bharat Express a vailiam.

Nimina PM-in a vailiam hi ram chhunga semi-high speed Vande Bharat Express pangana leh, chhim lama a hmasa ber a ni.

PM hian KRS Railway Station aṭang hian Bharat Gaurav Kashi Darshan Train a vailiam nghal bawk. Karnataka state hi Bharat Gaurav scheme hnuaia he rel tlantir hmasa ber niin, state sorkar leh Railways ministry-te chuan Karnataka-Varanasi (Kashi) inkarah biakzina kalte tan an tlantir a ni.

Modi hian Bengaluru-a feet 108-a sanga Nadaprabhu Kempegowda lim siam, 'Statue of Prosperity' siam chu nimin khan a hawng bawk. Kempegowda hi 'World Book of Records' chuan Bengaluru khawpui dintu tiin a tarlang.